Елімізде сайлауды өткізу процесін жетілдіруге бағытталған бірнеше өзгеріс енгізілді, деп хабарлайды ҚазАқпарат. «Аудандар және облыстық маңызы бар қалалардың әкімдерін сайлау кезең-кезеңімен ұйымдастырылады. Әкімдерді сайлау үш кезеңде өтеді. 2023 жылы әкімшілік-аумақтық бірліктердің - 25%, 2024 жылы - 25%, ал 2025 жылы барлық аудандар мен облыстық маңызы бар қалалардың әкімдері сайлау арқылы тағайындалады», - деді ҚР Әділет вице-министрі Алма Мұқанова ОКҚ-де өткен брифингте. Сонымен қатар министр орынбасарының мәлімдеуінше, сайлау процесін жетілдіруге бағытталған өзгерістер енгізілді. «Әлеуметтік желілерде үгіт-насихатқа рұқсат беру, сол сияқты аумақтық сайлау комиссияларының қызметін кәсібилендіру, сайлау қорларына ерікті қайырымдылықтың шекті мөлшерін белгілеу және тағы басқа өзгерістер қамтылған», - дейді ол. Айта кетсек, елімізде Президенттің бірқатар құзыреті мен өкілеттігін шектейтін заң қабылданды.
2025 жылдан бастап бүкіл аудан-қала әкімдері сайлау арқылы қызметке келеді
Өмір
