Арыс қаласындағы оқ-дәрі қоймасында болған жарылыс салдарынан келген шығынды 16 адам өтейді. Мұндай шешімді Астана қаласының Есіл аудандық соты шығарды. Жауап берушілер — бұрынғы әскери қызметшілер. Олар қызмет барысында өрт қауіпсіздігі, оқ-дәрілерді сақтау, өткізу және кәдеге жарату, техникалық бақылау үшін жауапты болған. Оқ-дәрі жарылысындағы барлық кінәлілер 2019 жылы 24 маусымда анықталған болатын. Сот белгілі болған жағдайларды ескере отырып, қанағаттандыру туралы тұжырымға келген. Алайда, сот шешімі заңды күшіне енген жоқ.