Биыл еңбек заңнамасын бұзған 66 нысан анықталып, олардан 5,6 млн. теңге өндірілген. Бұл туралы Түркістан облысы еңбек инспекциясы басқармасының басшысы БЕРІК ИБАДУЛЛАЕВ мәлім етті. Облыста айлық мәселесіне қатысты 2 еңбек жанжалы болған. Оның бірі «Ақ-Жол» ЖШС-гінде 752 жұмысшы бірнеше айлап уақытылы жалақы алмағанын айтып шағымданған. Жұмысшаларға 232,4 млн. теңгеге төленіпті. Сондай-ақ, жұмыс орындарын негізсіз қысқарту жайттары да кездесіп тұрады - дейді басқарма басшысы. БЕРІК ИБАДУЛЛАЕВ - ТҮРКІСТАН ОБЛЫСЫ ЕҢБЕК ИНСПЕКЦИЯСЫ БАСҚАРМАСЫНЫҢ БАСШЫСЫ - Жыл басынан 4 кәсіпорында 1258 жұмыскер алдында 324,7 млн. теңге жалақы қарызының орын алғанын анықтадық.Жоғарыда аталған мекемелерге 647,5 мың теңге әкімшілік айыппұлдар салынып, өндірілді. 9 айда 35 жазатайым оқиға болған. Салдарынан 36 адам түрлі дене жарақатын алып, 3 адам оқиға орнында көз жұмды. Облыста әлеуметтік әріптестік жөніндегі үш жақты комиссиялардың жұмысы күшейтілді. Соның арқасында еңбек дауы көп туындайтын 25 кәсіпорын анықталған.