Шымкентте танымал әнші Димаш Құдайбергеновке ұқсайтын жігіт кондуктор болып жүр. Тик ток желісінде осыдай атаумен түсірілген видео 1 000 000 -нан аса қаралым жинаған болатын. Онымен тілдесу үшін арнайы Шымқалаға бардық. Айтуынша, Жалал Мұратов осыдан 1 ай бұрын кондуктор болып жұмыс істеген. Оны автобустағы танысы сыртынан түсіріп видеосын өзінің парақшасына салған. Содан бері көшеде оны Димашқа ұқсайтын жігіт ретінде адамдар танып жатады екен. Жалал қазір Шымкент қаласындағы Орталық Азия инновациялық университетінде мемлекеттік жергілікті басқару мамандығы бойынша 3 курс студенті.