Бүгін Достық үйінде 25 қазан - Республика күніне орай халықаралық ғылыми – практикалық конференциясы өтті, деп хабарлайды BAQ.KZ. Іс-шараға Қазақстан Республикасы Президенті Әкімшілігінің өкілдері, ҚР Парламенті Мәжілісінің депутаттары, мемлекеттік органдардың, елордалық этномәдени бірлестіктердің, ғылыми-сараптамалық топтың мүшелері, жастар қанатының өкілдері қатысты. Конференцияға қатысушылар Республика күнінің тарихына тоқталып, қайта жаңғырудағы маңыздылығын айтты. Сондай-ақ тәуелсіз Қазақстан мен ұлтаралық мәселелер талқыланды. Қазақстанда 130-дан астам ұлт өкілдері бейбіт өмір сүріп келеді. Қазақстан демократиялық жолмен дамып келе жатқан зайырлы мемлекет. Сол мемлекеттің бірлігін сақтау әр қазақстандықтың міндеті. Оның ішінде әсіресе басқа ұлт өкілдері біздің қағиданы, біздің туды, біздің тілді құрметтеу керек,- деді профессор Задаш Дүкенбаева. Конференцияға тек Қазақстандық ғалымдар ғана емес, шетелдегі профессорлар да онлайн байланысқа шығып баяндама жасады.