Бұдан былай сапа стандарттарына сай жылыжайлардың электр қуаты мен газ шығынын өтеу үшін субсидия беріледі. Ол үшін бірақ олар сертификатталуы тиіс. Ал ол аса қиын шаруа емес. Ең бірінші кезекте жер көлеміне байланысты тиісті төлем жасау шарт. Одан соң инспекциялық органға құжат тапсыру керек. Ал керек құжаттар тізбесі adilet.kz порталында көрсетілген. Одан кейін өтінімге жауапты күту ғана қалады. Айта кету керек, бұл жұмыстармен «Ұлттық сараптама және сертификаттау орталығы» айналысады. Қазіргі таңда ұйым сертификаттауға кәсіпкерлерден өтініш қабылдауды бастап кетті. Ай сайын Шымкент филиалы арқылы 600 сертификат, Астана филиалы арқылы 450 сертификат беріледі.