Қазақстан мен Өзбекстан футболды бірігіп дамытуды қолға алды. Екі елдің спорттағы ынтымақтастығы туралы меморандумға қол қойылды. Құжат федерациялар арасындағы ынтымақтастықты нығайтуға, Орталық Азиядағы футболды насихаттауға, дамытуға, барлық санаттағы ұлттық құрамалардың жолдастық матчтарын ұйымдастыруға арналған. Меморандумға сәйкес тараптар жаттықтырушыларды, төрешілерді және футбол мамандарын оқыту бойынша білім беру семинарларын өткізуге, сонымен қатар балалар мен жасөспірімдер футболын дамытуға қолдау көрсетуге және спорттық іс-шаралар бағдарламаларын дайындайтын болады. Өзбекстанда футбол қарқынды дамып келеді. Бүгінгі таңда Өзбекстан құрамасы Азиядағы ең мықты командалардың бірі болып саналады. Соның бір дәлелі ретінде Өзбекстанның әлем чемпионатының соңғы іріктеу турнирінде өз тобында екінші орын алғанын айтуға болады.
Өмір
