Түркістан облысы Қазығұрт ауданында шұжық өнімдерін өндіретін зауыт бар. 13 жыл бұрын негізі қаланған өндіріс орнының тауарлары нарықта сұранысқа ие. Себебі халал сертификаты барынан бөлек, дәмділігі жағынан да дараланады. Бүгінде отандық тауарлар ішкі нарықтан өзге, Ресей мемлекетіне де экспортталуда. Аталған компанияның тыныс тіршілігі туралы тілші тарқатсын. Мұндағы шұжықтар сиыр, жылқы, тауық етінен әзірленеді. Жұмысы қайнаған кәсіпорында 62 түрлі шұжық өндіріледі. Жалпы компания қызметі 2009 жылы басталған. Осы уақыт ішінде өндіріс орны өзін жоғары сапалы, дәмді тауар өндіруші ретінде көрсете білген. Себебі өнімдері сұранысқа ие. Мұндағы өндірістің барлық циклі халал өнімге сай. Бұл компанияда Сапа менеджмент жүйесінің 2 стандарты ендірілген, бірі ЭСО-9 бір стандарты сапа менеджмент жүйесіне соңғы талаптар. Келесісі исо 22 стандарты тағам өнімдеріне қойылатын жалпы талаптар. Демек бұл стандартты өндірген кәсіпорын бәсекеге қабілетті болып саналады. Осы стандарттың принциптері қатаң сақталып отырса, өнімдер таза тұтынушыға жеткізіліп отырады. Компанияның өзінде ірі қара мал асырайтын жеке жайылымы бар. Бұл өз кезегінде өндірісті балғын етпен қамтамасыз етуге мүмкіндік береді. Кәсіпорын тауарлары әлемге танымал заманауи неміс және австриялық жабдықтарда дайындалады. Жалпы Қазығұрт ауданында инвестиция көрсеткіші артқан. Себебі биыл оның көлемі 18,9 млрд теңгеге жеткен. Бұл өткен жылмен салыстырғанда 3528 млн теңгеге артық. АРМАН АБДУЛЛАЕВ – ҚАЗЫҒҰРТ АУДАНЫНЫҢ ӘКІМІ - Негізгі капиталға бағытталған инвестицияның көлемі 9 айда 18,9 млрд теңгені құрады. Нақты көлем индексі 119,7 пайызды құрап отыр. Жылдың қорытындысымен инвестицияның көлемін 28,2 млрд теңгеге жеткіземіз деп ойлап отырмыз. Осы 18,9 млрд теңгенің 2,8 млрд теңгесі бюджет қаржысы болатын болса, 16,1 млрд теңгесі жеке инвестиция болып табылады. Бүгінде зауытта 300 ден аса адам екі ауысымда жұмыс істейді. Өнімдер Түркістан облысындағы барлық аудан қалаларды толық қамтамасыз етуге қауқарлы. Одан өзге, Астана, Алматы мен Атырау өңіріне жөнелтіледі. Тіпті Ресейге де экспортталады екен. Жалпы мұнда күнінен 4-6 тоннаға жуық шұжық өнімдері шығарылады. Алдағы уақытта өнім көлемін 10 тоннаға жеткізу жоспарда бар.