Тәуелсіздіктің төлқұжаты саналған көк туымыздың қадыр қасиетін қаншалықты біліп жүрміз. Көк байраққа деген жастардың құрметі қандай? Түлкібастық жастар Егемендіктің ең басты нышанын ерекше ұлықтап, заманауи үлгіде флешмоб өткізді. Осылайша олар елдің рухын көтеріп, айтулы мерекенің мәртебесін арттырғысы келеді. Көк тудың желбірегені! Түлкібас ауданында облыстық қоғамдық даму басқармасының ұйытқы болуымен өткізілген флешмоб осылай аталады. Республика күні мен мемлекеттік рәміздердің 30 жылдығы аясында өткен шараға 70-тен астам ауданның жігерлі жастары қатысып, ән шырқап, би биледі. Аудандық ардагерлер кеңесінің төрағасы егемен елдің негізгі символы саналған Мемлекеттік рәміздердің маңыздылығына тоқталып, жастарға өз ризашылығын білдірді. Ашық аспан астында өткен шарада түлкібастың жасампаз жастары өз елдерінің нағыз патриоттары екендіктерін танытты. Қазақ халқын ұлттық мереке Республика күнімен құттықтады.