Қызметтік ит есірткі затын табуға көмектесті. Жібек Жолы бақылау өткізу бекетінде шет елдік азаматтан есірткі заты табылды. Тәртіп сақшылары күдіктіні тінту кезінде оның сырт киімінің қалтасынан есірткіге ұқсас зат тапқан. Полицейлер тәркіленген заттай дәлелдемелерді сараптамаға жіберді. Қорытындыға сәйкес оның гашиш есірткісі екені анықталды. Аталған жайт ҚР Қылмыстық Кодексінің 286 бабы «Айналыстан алынған заттардың немесе айналысы шектелген заттардың контрабандасы бойынша тіркелді. Осы ретте, погондылар есірткінің заңсыз айналымына байланысты қандай да бір қылмыс жасағаны үшін қатаң қылмыстық жауапкершілік барын ескертеді.