Ертең Өзбекстанның Самарқанд қаласында Түркі мемлекеттері ұйымының алғашқы саммиті басталады. Оған қатысу үшін ел президенті Қасым-Жомарт Тоқаев 10-11 қарашада Самарқанд қаласына жұмыс сапарымен барады. Жиын барысында мемлекеттер басшылары Ұйым аясындағы сауда-экономикалық, инвестициялық және мәдени-гуманитарлық ынтымақтастықты одан әрі дамыту перспективаларын қарастырады. Сондай-ақ саммит қатысушыларымен екіжақты кездесу өткізу жоспарланып отыр. Ұйымға Қазақстан, Әзірбайжан, Қырғызстан, Өзбекстан және Түркия елдері мүше. Венгрия мен Түркіменстан – бақылаушы мемлекет. Тараптар былтыр Ыстамбұлда бас қосқан. Өткен жылы жиында «Түркітілдес мемлекеттердің ынтымақтастық кеңесі» атауы «Түркі мемлекеттері ұйымы» деп ауыстырылған еді.