Түркістан облысы жылыжай өсіруден республикада алғашқы орында екені белгілі. Оның 42 пайызы Сарыағаш ауданында өсіріледі. Биыл мұндағы 700 гектарға жуық жылыжайлардан 99 мың тонна өнім жиналыпты. Ол елімізден бөлек шет мемлекеттерге экспортталған. Осылайша Сарыағаштық жылыжайлардан шыққан өнім нарықтағы бағаны тұрақтандыруда мол әсерін тигізуде. Сарыағаш ауданының әкімі Мұхит отаршиев бүгін аудандағы 9 айда атқарылған жұмыстарды мәлімдеді.Аудан әкімі жылыжайды жылытуға келгенде біраз қиындықтар бар екенін де атап өтті. Мәселен, аудандағы жылыжайлардың 98 пайызы қатты отынмен жылытылады екен. Ал,бұл экологияға кері әсерін тигізеді. Дегенмен, бұл мәселенің алдын алу үшін кәсіпорындар заманауи құрылғыларды пайдалана бастапты. МҰХИТ ОТАРШИЕВ - САРЫАҒАШ АУДАНЫНЫҢ ӘКІМІ - Сен енді қатты отын жағасың деп жылыжайларды жауып тастай алмаймыз. Ол жерде қанша адам нан тауып отыр. Кәсіп жасап жатыр.оның үстіне бұл жердегі өнімдер нарықтағы бағаның тұрақтануына үлкен үлес қосып отыр. Жаңа құрылғыларды пайдалануға мейлінше үгіттеп жатырмыз. Одан бөлек мысалы шыққан күлді қайта жағу сияқты тәсілдерді үйретіп, айтып жатырмыз. Сондай-ақ, Мұхит Баймұханбетұлы әр салада атқарылған істерден бөлек алдағы жоспарланған жұмыстарымен бөлісті.Аудан орталығымен салыстырғанда ауылды жерлер мен шалғай елді мекендерге көп көңіл бөлінетінін жеткізді. Мәселен, ауылдардың басым көпшілігінде жайлы мектептердің құрылысы басталмақ. Одан бөлек,Әлімтау, Жылға елді мекендердегі жол мәселесін шешіп,аудандағы 96 көшенің жолдары жөнделеді – деді, аудан әкімі. МҰХИТ ОТАРШИЕВ - САРЫАҒАШ АУДАНЫНЫҢ ӘКІМ - Шалғайдағы елді мекендерді қамтамасыхз етуді қолға алып отырмыз. Тек аудан орталығын күшті қылып гүл егіп сырт көзге әдемі қылып көрсетіп қоюға болар еді. Бірақ осы жолы 80 пайыз қаражатты ауылдардың жолдарын төсеуге жұмсаймыз.т.б. Айта кетейік, Сарыағаш ауданы облыстағы ең ірі аудандардың бірі. Бүгінде ауданда 200 мыңға жуық халық тұрады.
Өмір
