Сайлауда 14,21 пайыз қазақстандықтар өз таңдауын жасады. Бұл туралы Орталық сайлау комиссиясының мүшесі Шавкат Өтемісов мәлімдеді. Облыстардың, республикалық маңызы бар қалалардың және Астананың аумақтық сайлау комиссиялары ұсынған дерекке сәйкес, астана уақытымен сағат 10:00-дегі жағдай бойынша сайлауға азаматтардың келуі бойынша Жамбыл облысы 16,54 пайызбен көш бастап тұр. Ал, Түркістан облысы бойынша – 15,62, Павлодар облысы бойынша 16,49, Ұлытау облысы бойынша 16,38, Қарағанды облысы бойынша 16,31 пайызы дауыс беріп үлгерген. Ал, Алматылықтардың тек 8,51 проценті ғана таңдауын жасаған. Жалпы, сағат 10-00-дегі жағдай бойынша республиканың 1 710 381 азаматы бюллетень алды. Қазіргі уақытта дауыс беру 10 164 сайлау учаскесінде өтуде.Оның ішінде 17 шет мемлекеттегі Қазақстан Республикасының өкілдіктері жанындағы 18 учаске бар.