Жас- жеткіншектер, жасөспірімдер және жастар арасындағы әлем чемпионатында Түркістан облысы, Шардара ауданынан 21 әлем чемпиондары шықты. Түркияның Анталия қаласында Қол күресінен 43-ші Әлем чемпионатының алғашқы күндері Шардара Армспорт құрамасының спортшылары Әнұранымызды 21 рет шырқатып, көк туымызды көкке көтерді. Әлем чемпионатына 54 елдің үздік спортшылары қатысқан. Айта кетсем, 19-22 қазан күндері ересектер құрамасы сайысқа түсетін болады.