Шығыс Қазақстан облысында қарлы боранда адасып кеткен ер адам табылды. Өскеменнен «Уаз» көлігімен шыққан азамат Қызыл су ауылына қарай бағыт алады. Алайда жақындарына оның ауылға жеткені туралы хабар келмеген. Осылайша олар құтқарушылардың көмегіне жүгінген. Жедел іздестіру нәтижесінде жоғалған ер адам Ұлан ауданының Қойтас және Саратов ауылдарының арасында көлігі қарға батып қалғаны анықталды. Қазіргі таңда өңірде дауылды ескерту жарияланған. Сондықтан төтеншеліктер тұрғындарға ұзақ жолға шықпас бұрын ауа райы жағдайын ескеруге шақырады.