Шымкентте супермаркеттердің бірінде өрт шықты. Оқиға бүгін 4 тамызда Әл-Фараби ауданында болған. Төтеншеліктердің мәліметінше, сауда орнының жертөлесі өртенген. Онда спирттік ішімдіктері бар картон қораптары жанған. Қызыл жалын 8 шаршы метр аумақты шарпыған. Оқиға орнынан дереу жеткен өрт сөндірушілер өртті толығымен сөндірді. Зардап шеккендер жоқ. Мамандар оқиғаның шығу себебін анықтауда. (Фото: ТЖМ)