Егемендік туралы декларация. Аталған құжат 1990 жылы 25 қазанда қабылданып, ел егемендігінің негізіне айналды. Сондықтан аталған күн биылдан бастап күнтізбеде «Ұлттық мереке» ретінде белгіленді. Ел Тәуелсіздігінің орны¬ғуы¬ мен қалыптасуына бастау берген тарихи құжат жайлы тілші материалында. Қуаныш Айтаханов. Қоғам қайраткері 1990 жылы мемлекеттік егемендік туралы декларацияны талқылауға қатысқанын қайраткері. Ол бұл құжаттың қандай жағдайда жазылғанын, ол қабылданғаннан кейін мемлекетте қандай өзгерістер болғанын бүге шүгесіне дейін білемін дейді. Айтуынша 2 айға жуық уақыт ішінде жазылған тәуелсіздік декларация ел тарихындағы маңызды оқиға. Сондықтан бұл күннің ұлттық мереке қатарына қосылуы заңдылық. Мемлекеттік егемендік туралы Декларация негізінде Қазақстанның тәуелсіз мемлекет ретіндегі саяси-құқықтық негіздері бекітілді. Онда алғаш рет ел аумағының тұтастығы, оған қол сұғылмайтындығы, қазақ халқының және Қазақстандағы басқа да этнос өкілдерінің төл мәдениетін, дәстүрін, тілін қайта түлету мен дамыту, ұлттық қадір-қасиетті нығайту сияқты мемлекеттік қағидаттар бекітілді. 13 жылдан соң қайта "оралған" мереке биыл Түркістан аймағында кең көлемде атап өтілуде. Атаулы күнге орай облыста 7 жаңа мектеп, спорт кешені, аллеялар, тұрғын ұйлер халық игілігі үшін қолданысқа берілмек. Бұдан бөлек, бірқатар ауылдық округте таза ауызсу және табиғи газ іске қосылады. Сондай-ақ мерекенің мән-маңызын айшықтау бағытында салтанатты жиындар, концерттік бағдарлама, театрландырылған қойылым мен музейлерде экскурсия, спорттық шаралар өткізілмек.