Төлеби ауданындағы демалыс аймақтарға апарар жолдар жөндеуден өткізілді. Жалпы ұзындығы 18 шақырымды құрайтын туристік бағыттағы 3 жолға орташа жөндеу жұмыстары жүргізілді. Атап айтар болсақ, облыстық маңызы бар «қасқасу қысқы демалыс аймағы» мен «біркөлік санаториясына бағытталған» автомобиль жолдары жөндеуден өткізіліп, нысан толығымен пайдалануға берілген. Онда ескірген асфальт жабыны толығымен жаңартылып, аяқ жолдар салынды. Айта кетейік,бүгінде өңірде туристік аймақтарға баратын жолдардан бөлек, облыстың транзиттік әлеуетін арттыратын және шалғай елді мекендерді облыс орталығына қосатын жолдар жөнделуде. Оны жол активтерінің ұлттық сапа орталығы бақылауға алған.