Түркістан облысында 3 тоннаға жуық балықты заңсыз аулаған браконьерлер ұсталды. Күдіктілерден жүзу құралдары, тиым салынған қытайлық ау-торлар тәркіленген. Табиғат сақшыларының мәліметінше, жыл басынан бері заңсыз балық аулау дерегі бойынша облыста 18 қылмыс тіркеліп, ережені бұзған 457 азамат анықталған. Оларға 7,5 миллион теңгеден астам айыппұл салыныпты. Ал экология министрлігі заңсыз балық аулау деректері жыл өткен сайын артуына байланысты браконьерлерге қатысты айыппұлды 2,5 есе арттыруды ұсынып отыр.