Енді оңды-солды ескерткіш салуға рұқсат берілмейді. Бұдан былай тек тарихи тұлғалардың қатарына енген азаматтарға ғана мүсін орнатылмақ. Онда да мәдениет және ақпарат министрлігі жанындағы монументтік өнер құрылыстарын орнату жөніндегі комиссияның рұқсаты қажет. Бұл туралы Түркістан облыстық мәдениет басқармасының басшысы Әзімхан Қойлыбаев мәлімдеді. Айта кетейік, қазір Түркістан облысы бойынша 842 монументті өнер туындылары бар екен. Соңғы жылда аймақтағы аудан, қалаларда 31 ескерткіш орнатылыпты. Дегенмен оның 9-ы ешқандай рұқсатсыз әрі заңсыз салынған.