Түркістанда жылыту маусымы басталды. Бүгін қаладағы жалпы 53 қазандықтың 20-ға жуығы іске қосылды. Енді алдағы уақытта ауа температурасы төмендеген сайын жылу тарататын қазандықтар саны да артпақ. Алайда жақын арада тариф мөлшері қымбаттамақ. Оған не себеп? Айдана Дүйсенбаева анықтап көрді. Түркістанда жылыту маусымы 1 қарашадан 1 сәуірге дейін, яғни 149 күнді қамтиды. Бірақ биыл күннің ерте суытуына байланысты жылу қазандықтары өз жұмысын бастап кетті. Ал қала тұрғындары жылуды көп күтттік, бүгінгі күннің басты жағымды жаңалығы осы болды дейді. Қазір қалада 10 жылу қазандығы бар. Биыл оның 4-еуі жаңадан пайдалануға берілген. Сол арқылы қаладағы 155 көпқабатты тұрғын үй мен 53 коммерциялық нысан, 28 бюджеттік мекемеге жылу тарайды. Барлығы биыл шілде айында жөндеуден өтіп, шаю-қысымдау жұмыстары жүргізілген. Әзірге жылу бағасы ақпан айында белгіленген баға бойынша есептелінеді. Яғни 1 шаршы метрге 92 теңге 46 тиын. Дегенмен, жақын арада тариф мөлшері тағы қымбаттамақ. Себебі, мекеме басшысы қазандықтарға жылу беретін көгілдір отын бағасы көтерілгенін айтады. Тұрғындардың былтырғы жылдан қалған берешегін қайтару үшін әлі де жұмыстар жүргізілуде. бүгінде оның 90 пайызы өтелген. айта кетейік, былтыр қалада ауа райының күрт салқындауына байланысты 22-қазанда толық жылыту қазандықтары іске қосылған болатын.