Желтоқсан оқиғасы — қазақ жастарының тәуелсіздікке ұмтылған күресі. Желтоқсан оқиғасы — тәуелсіздік таңын жақындатқан қозғалыс. Желтоқсан оқиғасы... Айта берсек, теңеу көп. Алматы қаласының қақ ортасындағы Брежнев алаңында (қазіргі Республика алаңы) мұз үстіндегі алаудай жалындаған жастардың өмірін қиып, аман қалғандарын қудалап, тағдыр тәлкегіне ұшыратқан оқиғаға биыл 35 жыл толып отыр. Арада қанша уақыт өтсе де ел намысы үшін көзсіз ерлікке барған батырларымыздың қаһармандығы ұмытылмақ емес. Желтоқсаншылардың бүгінгі жай-күйін білмек ниетте республикалық «Желтоқсан ақиқаты» патриоттық қозғалысы» қоғамдық бірлестігі Шымкент қалалық филиалының төрағасы Карл Өміртайұлы ИСАЕВПЕН тілдескен едік.