Шымкент қаласындағы №1 клиникалық ауруханада 2014 жылдан бері трансплантация жасалып келеді. Бүгінге дейін емдеу орталығының білікті дәрігерлері 172 бүйрек және 24 бауыр алмастыру отасын жасаған. 2019 жылы А.Донбай бастаған клиникалық аурухананың трансплантолог дәрігерлері бауыр трансплантациясы отасын 5 сағат 48 минутта жасап, Қазақстандық рекордты жаңартқан болатын. Тәулік бойы жұмыс істейтін аурухана 520 төсек орынға есептелген. Бұдан басқа, шілде айынан бастап аурухана базасында 170 орынға арналған инфекциялық стационар ашылған.