Мемлекет басшысы Қасым-Жомарт Тоқаев кезекті Қазақстан халқына Жолдауында IT-секторды күшейтуді тапсырды. Бұл ретте Президент цифрландыру жобасы аясында 100 мың білікті IT-маманды даярлау жөнінде Үкіметке тапсырма берді. Ал Мемлекет басшысы жүктеген мәселені шешуге еліміздегі жоғары оқу орындарының қауқары жете ме? Үшінші мегаполисте ақпараттық технология мамандары қалай даярланып жатыр? Біздегі білім халықаралық нарық талабына сай келе ме? Студенттер өндіріске қалай араласып жүр? Бұл сауалдарға М.Әуезов атындағы ОҚУ-нің Ақпараттық технологиялар және энергетика жоғары мектебінің өкілдері жауап берді.