Тәліптер билікті басып алған соң Ауғанстанда қыздардың мектепте оқуына ресми түрде шектеу қойылды. Бұл ел қыздарға 6-сыныптан кейін оқуға ресми шектеу қойған жалғыз мемлекет. БҰҰ дерегінше, бір миллионнан астам қыз білім алу мүмкіндігінен айырылған, ал жоғары оқу орындары мен мектептер оларға төртінші жыл қатарынан жабық тұр. Ulysmedia.kz тілшісі осы тыйымдар кесірінен туған жерін тастап кетуге мәжбүр болған 24 жастағы ауған қызы, медицина факультетінің бұрынғы студентімен сөйлесті. Оның тағдыры әп-сәтте өзгерген.