Өткен аптада әлеуметтік желі мен БАҚ-ты Қарағанды қаласындағы жұқпалы аурулар ауруханасында қайтыс болған бүлдіршінің қазасы дүр сілкіндірді. Оған дейін анасы баласын құтқаруды өтініп, желіде үндеу жасаған. Ол Астанадан ЭКМО аппаратын Қарағандыға жеткізуді сұраған. Кейінгі жылдары Қазақстан ауруханаларында қайғылы оқиғалар жиілеп кеткен. Қарағанды, Ақтау, Жамбыл облысы, Астана, Қостанай қалаларын біріктіретін ортақ мәселе балалар ауруханаға тірі түсіп, дәрігерлердің қарауында болып, кейін көз жұмады. Ата-аналардың Instagram мен TikTok-та президенттің атына видеоүндеу жариялауы да жиілеген. Олардың өтініші мен сұрағы бір-бірінен айна қатесіз – неге аймақтық ауруханаларда әлі күнге дейін өмірлік маңызды жабдықтар жоқ? Неге іші ауырып келген балаларды үйіне қайтарады? Неге түнде аурухана палатасында адам қайтыс болуы әдетке айналып барады? Осы және өзге де сұрақтарға Ulysmedia.kz тілшісі де жауап іздесуге тырысып көрді.
Дәрі
