Сенат отырысында депутаттар өңірлік бюджеттер үшін жан алысып, жан берісті. 2026-2028 жылдарға арналған республикалық бюджетті талқылау кезінде олар бірінен соң бірі қоғамды алаңдатарлық мәліметтерді жариялады. Айтуларынша, өңірлерде қаржы жоқ, жобалар іске аспай тоқтап тұр, ал жаңа мектептерге келсек, оларды салатын да, балансына алатын да ешкім жоқ. Нәтижесінде Сенат трансферттер туралы заңға түзетулер енгізіп, жобаны Мәжіліске кері қайтарды, деп хабарлайды Ulysmedia.kz.