Алматының Алмалы аудандық сотында былтыр АЭС референдумы қарсаңында ұсталған бес адамның ісі бойынша сотта күдіктілерден жауап алу басталды. Олар өздеріне тағылған айыппен келіспеді. Күдікті Нұрлан Жаулыбаев, Жанат Қазақбай, Фазылжан Сыздықов, Нұрлан Темірғалиев, Айдар Мүбәраковқа «жаппай тәртіпсіздікті ұйымдастыру» және «жаппай тәртіпсіздікке дайындалу» баптары бойынша айып тағылған, деп хабарлайды Ulysmedia.kz.
