18 сәуір Nazarbayev University залында «Аутизмге арналған зерттеулер мен әзірлемелер» тақырыбында конференция өтті. Конференцияға психолог, психиатр мамандары және аутист балалардың ата-анасы жиналған. Жалпы, шараға 80-нен астам тыңдарман қатысты. Сессияда әр маман шамамен 30 минуттай өз зерттеуін, ойын, идеясын ортаға салды. Қатысушылар АСЖ-ның не екені, бұл жағдайда оңалту қалай жүргізілетіні, аутизмді ерте анықтау жолдары, баланы дамыту тәсілдері және терапияда қолданылатын жаңа робототехника туралы ақпарат алды.