Ulysmedia.kz редакциясына ғылымды қаржыландыру саласында анықталған сыбайлас жемқорлық тәуекелдері туралы аналитикалық анықтама түсті. Талдау материалының көлемі ауқымды, жалпылама ойдақ-сойдақ өте шықпаған, автор нақты эпизодтарға, сомаларға, күндерге, аты-жөндерге және техникалық деректерге сүйенген. Материалды оқи отырып, көптеген сұрақ туындайды. Себебі ол дайын жауапқа арналмаған. Ең алдымен көзге түсетіні – құжатта бағдарламалық-нысаналы қаржыландыру (БНҚ) бойынша конкурстық құжаттама қалыптастыру кезеңінің өзінде адал бәсекелестік шарттары бұзылғаны көрсетілген. Мәселен, №81 конкурстық тапсырманың мәтіні Әл-Фараби атындағы ҚазҰУ-дың ғылыми еңбектерінен алынған. Бұл тапсырма бойынша қаржыландырудың жалпы сомасы 497 млн теңге болған. Осыған ұқсас дерек шекті сомасы 350 млн теңге болған №30 тапсырма бойынша да анықталған. Құжатта бұл мысалдар конкурс басталмай тұрып-ақ нақты өтініш берушілердің мүдделерін көздеудің айғағы екені атап өтіледі.
Ғылым таппай мақтанба: Қазақстан ғылымында мемлекеттік қаржы қайда жұмсалып жатыр?
Дәрі
