Қазір Қазақстан үшін әр мегаватт электр қуаты қымбат. Өйткені ескірген жылу және су электр станциялары қарқынды дамып келе жатқан елдің қажеттілігін толық өтей алмай отыр. Сол себепті ел көрші мемлекеттерден электр энергиясын сатып алуға мәжбүр. Дегенмен алдағы уақытта жағдайдың жақсаруы тиіс: Қазақстанда ондаған жаңа энергетикалық нысандар салынуда. Алайда "бұл нысандарды біз өзіміз салып жатырмыз ба, әлде шетелдіктер біздің орнына ма?" деген сұрақ туындайды. Энергетика саласының өкілдері жаңа станциялардағы «отандық үлес» тек қазақстандықтардың төлейтін ақшасымен шектеліп қалуы мүмкін деп алаңдайды. Ulysmedia.kz осы жағдайды талдап көрді.