Ulysmedia.kz порталының бас редакторы Самал Ибраеваға өзінің жалған анкетасын өшірту үшін бір айға жуық уақыт қажет болды. Анкетаға фоторедактор арқылы жасалған жалған сурет қойылып, шынайы телефон нөмірі тіркелген. Осы уақыт аралығында ақылы интим қызметін қалайтындар дәл сол нөмірге тынымсыз қоңырау шалды. Бір айда Самал Ибраева сайттың техникалық қолдау қызметіне бірнеше рет хат жазды, полицияға арыз түсірді, тергеушілермен қаншама рет кездесті. Алайда ешкім бұл жағдайға шұғыл түрде араласып, нақты көмек көрсете алмады. Құқық қорғау органдары даулы сайтты талай жылдан бері бұғаттай алмай отыр. Мұның бәрі елде жезөкшеліктің құқық қорғау жүйесін жеңіп кеткендей әсер қалдырады. «Қыздар.нет» сайтымен күрес нәтиже бермейтін болса, кек алудың құрбанына айналған жандар мен расымен тәнін саудалайтындарды бір-бірінен ажыратудың басқа жолы бар ма?

Жеңісі жоқ «айқас»: «Қыздар.нет» сайты әбігерге түсірген адамдарға кім көмектеседі



Дәрі
