Көптеген мемлекеттерде суррогат ана қызметіне толық тыйым салынған. Оның ішіне Германия, Франция, Испания және Швейцария сияқты елдер кіреді. Ал кейбір елдерде бұл қызметке рұқсат берілгенімен, тек өз азаматтарына ғана қолжетімді. Мысалы, Үндістан мен Таиланд. Ал Қазақстанда ешқандай шектеу жоқ. Суррогат ана қызметін тек ел азаматтары ғана емес, шетелдіктер де пайдалана алады. Соның салдарынан түрлі дау-дамайлар мен сот істері жиілеп, суррогат ана қызметін реттеу мәселесі көтерілуде, деп хабарлайды Ulysmedia.kz.