Жаһандық инвестициялар жөніндегі VIII қазақстандық дөңгелек үстелде біз шетелдік инвесторлардың жер алу мәселесін сұрап білдік. Қазақстанда инвесторлар үшін есік айқара ашық, тіпті тегін жер де беріледі. Бірақ «жер шетелдіктерге сатылмайды» деген ресми ұстаным мен шынайы көрініс арасында айырмашылық байқалады. Бір жағынан, министрлік мораторий бар дейді, ал екінші жағынан, қытай мен кореялық алыптар ірі жобаларға жер телімін алып, өндіріс ашуға кірісіп кеткен.