Бір кезде министрлер мен премьерлерді темір торға жапқан Олеся Кексель енді өзі үйқамақта отыр. «Айбын» орденімен марапатталып, «2017 жылдың мемлекеттік қызметшісі» атанған әйелге азаптау бойынша айып тағылды. Ulysmedia.kz анықтады – бұл тағдырдың ирониясы ма, әлде тергеудің қатал әдістеріне негізделген мансаптың заңды соңы ма. Бас прокурордың орынбасары Ғалымжан Қойгелдиев өткен аптада Сенат кулуарында Кексельге қатысты Қылмыстық кодекстің 146-бабы («Азаптау») бойынша қылмыстық іс қозғалғанын ресми растады. Сот оның жас баласы барын ескеріп, екі ай мерзімге үйқамаққа жіберді. Биыл қыркүйекте БАҚ-та оның емізулі баласы бар екені жазылған еді.