Бір кезде министрлер мен премьерлерді темір торға тоғытқан Олеся Кексель енді өзі үйқамақта отыр. «Айбын» орденімен марапатталып, «2017 жылдың үздік мемлекеттік қызметшісі» атанған әйелге «Азаптау» бойынша айып тағылды. Бұл тағдырдың кекесіні ме, әлде біреуге ор қазсаң, өзің түсесің деген тәмсілдің іс жүзіндегі көрінісі ме, толығырақ Ulysmedia.kz материалында. Бас прокурордың орынбасары Ғалымжан Қойгелдиев өткен аптада Сенат кулуарында Кексельге қатысты Қылмыстық кодекстің 146-бабы («Азаптау») бойынша қылмыстық іс қозғалғанын ресми растады. Сот оның жас баласы барын ескеріп, екі ай мерзімге үйқамаққа жіберді. Биыл қыркүйекте БАҚ-та оның емізулі баласы бар екені жазылған еді.
Өзіңнен зорлар шықса, екі көзің сонда шығады: «Жемқорлар тажалы» атанған Олеся Кексельдің өзі тергеуде
Дәрі
