Миллиардер Тимур Турловқа тиесілі компанияның еншілес құрылымындағы брокерлік қызметтерге қатысты жанжал күшейіп барады. Зардап шеккендердің айтуынша, «Фридом Финанстың» бірнеше арам пиғылды брокері кемінде 30 қазақстандықты алдап, олардың шоттарынан жалпы сомасы шамамен 2,5 миллиард теңге ұрлап кеткен. Жәбірленушілердің арасында 84 жастағы әже де бар – ол қызметкердің сөзіне сеніп, бар жинағын берген. Ulysmedia.kz осы мәселеге қатысты бас кеңседен пікір алуға тырысты. Алайда зейнеткердің жағдайына нақты жауап болмады, ал редакция жолдаған сұрақтарға мүлде түсініктеме берілмеді.
Турлов төңірегіндегі жанжал: брокерлер зейнеткерлердің ақшасын қалай жымқырған
