Газа секторында қыстың хабары сезіле бастады. Қатты жаңбыр жауып, салдарынан кейбір аудандарды су басты. Бұл әсіресе Хан-Юнистегі жер аударуға мәжбүр болған тұрғындар үшін қиынға соқты. Олар уақытша лагерлердегі шатырларды жауыннан қорғауға тырысып, арық қазғанымен, нәтиже болмады. Ал Израиль Газаға қыстық гуманитарлық көмек шектелмегенін жеткізді. Алайда гуманитарлық ұйымдардың хабарлауы бойынша, қазір аумаққа келіп жатқан көмек жеткіліксіз. Өйткені күн суытып, Жерорта теңізінен соққан жел үдеп барады.
Жаңалықтар
