Қазақстанда жыныстық сауаттылық өткір мәселенің қатарында тұр. Мұның себебі, жасөспірімдер арасындағы жүктілік пен түсіктің артуы, кәмелеттік жасқа толмаған балаларға жыныстық зорлық-зомбылықтың көбеюі немесе бүгіннің басқа да жантүршігерлік оқиғалары ғана емес. Елімізде "жыныстық сауаттылық" тақырыбы көтерілсе, аға буын өкілдері бетін шымшып, ары қарай талқылауға тыйым салады. Бірақ бұл тақырып бала кезден ашық түсіндірілсе, мүмкін қаншама ауыр салдардың алдын алатын еді.