Былтыр экс-министр Қуандық Бишімбаев әйелі Салтанат Нүкенованы өлтірді. Бұрынғы шенеунікке әйелін азаптап өлтірді деген Қылмыстық кодекстің 99-бабы 1-бөлігі бойынша үкім шықты. Бишімбаев 22 жылға сотталды. Бұл оқиға тек Қазақстан емес, сонымен қатар, басқа елдерді де дүр сілкіндіріп, Желіде резонанс тудырды. Отбасындағы зорлық-зомбылық салдарынан жыл сайын қанша әйел көз жұмады? Ал қанша әйел өзін, баласын қорғаймын деп күйеуімен арпалысып жатқанда жұбайын өлтіріп алады? Бұл - оқиғаның басқа қыры. Massaget.kz тілшісі Алматы қаласынан 50 шақырым жерде әйелдер колониясында күйеулерін өлтіргені үшін жазасын өтеп жатқан әйелдермен сұхбаттасты.