Бұдан бірнеше күн бұрын Желіде "Қазақстанда ғылым дамымаған" деген пікір айтқан Дінмұхамед Шахманның видеосы аз уақытта көп қаралым жинады. Оның айтуынша, елімізде медиа кеңістікте тек танымал блогерлер көрініс табады. Ал ғылыммен айналысатын жастар әдетте тасада қалады. Бұл ойды Желі қолданушылар қолдап, түрлі пікір қалдырған. Дінмұхамед Шахман мектеп кезінен химия саласын зерттеуге көңіл бөлген. Қазір ол Канадада жұмыс істейді, одан басқа, университет қабырғасында бірнеше шәкіртақы иегері атанған. Massaget.kz тілшісі кейіпкермен жастар арасында ғылымды қалай дамытуға болатыны, оның жетістікке жету жолы туралы сұхбаттасты.