Дегенмен тәртіп сақшылары ата-анасының қарауынсыз бей-берекет қыдырған жеткіншектердің жүрісіне тосқауыл қойды. «Түнгі қаладағы балалар» рейдтік іс-шарасы кезінде ата-ана қарауынсыз жүрген балалар анықталды. Тәртіп сақшылары алдымен қаладағы кафелер мен мейрамханаларды сүзіп шықты. Сондай орындардың бірінде кәмелет жасына толмаған жиырмаға жуық жас жиналып, туған күн тойламақ болған. Полиция қызметкерлері оларды бірден басқармаға жеткізіп, ата-аналарын шақыртты.