Қырғызстандағы ең ұзын жол туннелі жыл соңына дейін салынады. Қазір Көк-Арт асуындағы тоннельге бетон төсеу жұмыстары жүргізілуде. Министрлер кабинетінің төрағасы Ақылбек Жапаров баламалы солтүстік-оңтүстік тас жолындағы құрылыс жұмыстарының барысымен танысты. Бұл жолды салу барысында республикадағы ең ұзын, ұзындығы 3,89 шақырым болатын тоннель де салынып жатыр, оны желтоқсан айында аяқтау жоспарлануда.