Тоқ ішек пен тік ішек обыры – әлем бойынша да, Қазақстанда да жылдан-жылға жасарып, өршіп келе жатқан ең қауіпті дерттердің бірі. Соңғы жылдары бұл диагноз елімізде онкологиялық аурулардың алғашқы үштігіне дейін көтерілді. Аурудың басты трагедиясы – бастапқы кезеңде еш белгі бермей, жылдар бойы жасырын дамитынында. Ал диагностика кешіксе, емдеу қиындайды, асқыну көбейеді. Осы күрделі дертпен күн сайын бетпе-бет келіп жүрген Ұлттық ғылыми онкология орталығының онкоколопроктологы Мейрам Мамлин колоректалды обырды ерте анықтау, емдеу, технологиялық жаңалықтар және пациенттердің жиі жіберетін қателіктері туралы кең көлемде айтып берді.