Мемлекет басшысы Қасым-Жомарт Тоқаев өңірге отандық және шетелдік инвесторларды көптеп тарту үшін «Ақтау теңіз порты» АЭА әлеуетін дамытуды тапсырған болатын. Осы бағытта облыс әкімдігіне Үкіметпен бірлесе отырып экономикалық аймақтың аумағын және басым қызмет түрлерінің тізбесін кеңейту жөнінде нормативтік-құқықтық актілер қабылдауды қамтамасыз ету жүктелген еді. Бұл бағытта Маңғыстау облысы әкімінің бастамасымен кешенді жұмыстар жүргізілді, деп хабарлайды BAQ.KZ.