Гулбағира Сәдірқызы 30 жылдан аса осы салада табан аудармай еңбек етіп келеді. Бір саладның жілігін шағып, жылдар өте өзі де сол салаға өлшеусіз үлес қосып келе жатқанына дәлел – оның алған мадақ-марапаттары, сый-құрметтері, республиканың әр қиырында үздік еңбек етіп, қоғам пайдасына қызмет қылып жүрген шәкірттері. BAQ.KZ журналисі бақытын осы мамандықтан тапқан, шәкірт баптап, талай республикалық сындарда жүлдегер боп келе жатқан қадірлі кітапханашымен сұхбат өрбітті.