Бүгінде шаш бояу саласы тек нәзік жандылардың ғана емес, ер азаматтардың да таңдаулы кәсібіне айналып келеді. Колористика бұл талғам мен дәлдікті талап ететін күрделі өнер. «Еңбекқор ел» жобасының кезекті кейіпкері – Жарқын Әбдірахманов та шаш бояу өнерін терең меңгерген шебер. Өз ісіне сүйіспеншілікпен қарайтын ол, шаш бояуды жай процедура емес, адамның бейнесін жаңартатын шығармашылық процесс деп біледі, деп хабарлайды BAQ.KZ тілшісі.