Елімізде индустрияландыру, құрылыс саласының қарқынды дамуы және инфрақұрылымды жаңарту жұмыстары жүргізіліп жатқан тұста жұмысшы мамандықтарының қоғамдағы орны бұрынғыдан да арта түсті. Дәнекерлеуші, электрик, слесарь, краншы, жол жұмысшысы сияқты кәсіп иелері – кез келген жобаның тірегі. Көрінбей, үнсіз еңбек ететін оларсыз жаңа үйлер, зауыттар, көпірлер, жолдар бой көтермес еді.