Ақтау тұрғыны қалада самса, бәліш сататын дүңгіршектердің бірінде тышқандар жүргенін видеоға түсіріп алды,, деп хабарлайды InAktau сайты. Видеода екі тышқан нанда жүргенін көруге болады. «Көшеде тамақ алғанда абай болыңыздаршы, өтініш. Бір нәрсені сатып алмас бұрын айналаңызға қараңыз, бұл сұмдық қой. Бірнеше тышқан жүр. Бұл 22-шағынаудандағы базар, құрылыс дүкенінің артында», – дейді видео авторы.