Осыдан үш жылға жуық уақыт бұрын Арал ауданына қарасты Тоқабай ауылында апатты жағдайдағы білім ғимаратының орнына жаңа мектептің құрылысы басталады деп жергілікті әкімдік сүйіншілеген еді. Бұл балаларының қауіпсіздігіне алаңдаулы күй кешіп отырған ауыл халқын зор қуанышқа бөледі. Алайда заманауи ғимаратта сапалы білім алуға мүмкіндік артады деп сенген халықтың үміті әлі күнге дейін ақталмай тұр.